نادي القاهرة للتصوير الفوتوغرافي
تم تأسيس نادي القاهرة للتصوير الفوتوغرافي في ٢٠١١
كانت فكرتنا في البداية هي اننا نبني مجتمع للمصورين علشان يتعلموا و يتدربوا و ينموا مواهبهم
كمان علشان نوفرلهم أنشطة و ورش عمل و رحلات علشان يكون في فرصة للمصورين انهم يتمرنوا و يبدعوا و يطوروا من مواهبهم و يطلعوا ابداعاتهم
و كل فتره بنضيف أقسام جديدة للنادي علشان نلبي احتياجات المصورين في كل المجالات

قسم التعليم Cairo Photography School
مدرسة متكاملة بتقدم كورسات و ورش تعليمية و انشطه كتير سواء كنت مصور مبتدئ او هاوي او حتي محترف
كمان كل فتره بنعمل رحلات تصويريه وايفنتات لكل المصورين علشان يتدربوا و ينموا مواهبهم و يطلعوا ابداعاتهم
هدفنا هو اننا نضم مصورين جداد لمجتمع المصورين عن طريق الدورات التدريبية و الورش والأنشطة المختلفة

I-Rent قسم الإيجار
بسبب سعر معدات التصوير الغالية و كمان ممكن تكون محتاج عدسة متخصصه او كاميرا او حتي معدات اضاءة بصفه مؤقته علشان تصور بيها
علشان كده فكرنا في I-Rent و دا قسم لايجار معدات التصوير في نادي القاهرة للتصوير الفوتوغرافي
و هنا بنوفر معدات تصوير مختلفة من كاميرات - عدسات - معدات إضاءة و استديوهات متنقلة
و دا علشان نوفر للمصورين احتياجاتهم و مفيش اي مصور يوقف ابداعاته علشان مش معاه المعدات المناسبة

I-Sell قسم البيع
مصورين كتير بيحتاجوا يبيعوا و يشتروا معدات مستعمله .. بس في نفس الوقت محتاجين مكان يكون موثوق فيه .. علشان كده عملنالكم I-Sell
لو عندك معدات عايز تبيعها او عايز تشتري معدات مستعمله و تكون مطمن هتلاقي في I-Sell كل اللي انت محتاجه
مش بس كده .. انت لو عايز تشتري معدات مستعملة و عايز حد يكشفلك عليها علشان تبقي مطمن و انت بتشتريها تعالي و اعرضها علي مسؤل قسم البيع و هو هيفيدك لو كانت المعدات دي كويسه او لا

الاستديو CPC Studio
مصورين كتير بيحتاجوا استديو علشان يصوروا فيه علشان كده عملنا CPC Studio
و هو استوديو بمساحة كبيرة و مجهز بكل معدات الإضاءة اللي ممكن تحتاجها في تصويرك و كمان مناسب للتصوير الفوتوغرافي و تصوير الفيديو
كمان اهتمينا اننا نخلي في الاستديو مكان مخصص لعمل الميكب و غرفة لتغيير الملابس علشان متتعطلش أثناء التصوير
و بنوفر فنيين إضاءة علشان يساعدوك لو واجهتك اي مشكله و انت بتصور في الاستديو
كمان بنقدر نوفرلك مصورين محترفين سواء للتصوير الفوتوغرافي او الفيديو و كمان خدمات تانيه زي الايديت و المونتاج

كافيه المصورين CPC Cafe
أول كافية للمصورين في مصر
اكيد بتحتاج مكان تقعد فيه و تتجمع انت و اصحابك المصورين علشان كده عملنالكم CPC Cafe
هنا هتلاقي كل اللي حواليك مصورين تقدر تقعد معاهم و تسالهم و تستفيد من خبراتهم او تحضر الايفنتات و المحاضرات اللي بنعملها بصفة مستمرة كمان تقدر تجيب اللاب توب بتاعك و تعمل ايديت علي الصور هنا او تتفرج علي الماتشات مع اصحابك

خدمة عملاء المصورين CPC Helpers
و دي أول خدمة عملاء للمصورين في مصر CPC Helpers
هنا بنوفر فريق كامل من المصورين المحترفين علشان يساعد و يقدم الدعم للمصورين
تقدر تبعتلهم كل اسئلتك و استفساراتك و هيردوا عليك بإجابات وافية علشان ميكونش في اي مصور عنده مشكله و عارف يحلها

لاب CPC Lab
لو انت محتاج جهاز تشتغل عليه الايديت او المونتاج بتاعك او حتي عندك تدريب و محتاج فيه اجهزة كمبيوتر
احنا هنا في CPC Lab بنوفرلك معمل مجهز بأجهوة ماك علشان تقدر تشتغل فيه او تعمل فيه الكورسات بتاعتك و كمان أدمن علشان يقدر يساعدك لو واجهتك اي مشكله و انت بتشتغل في CPC Lab

قسم CPC Rooms
لو انت محتاج مكان تعمل فيه اجتماع خاص بالشغل او لو عايز مكان مجهز تعمل فيه محاضره عندنا اكتر من قاعه بمساحات مختلفه علشان تناسب احتياجاتك و الغرف كلها مجهزة بكل الوسائل التعليميه اللي ممكن تحتاجها

فريق المصورين I-Shoot
نادي القاهره مش بس مكان بيقدم خدمات للمصورين .. احنا كمان عندنا فريق كامل من المصورين المحترفين سواء للتصوير الفوتوغرافي و الفيديو
يعني لو عندك ايفنت مهم او مكان عايز تصوره تقدر تتواصل معانا و هنساعدك
مش بس كده احنا عندنا فريق من ال retouchers المحترفين و فريق المونتاج
علشان لو عندك صور محتاج تعملها ايديت او فيديوهات محتاج تعملها مونتاج اكيد هتلاقي هنا كل اللي انت محتاجه

قسم الطباعة I-Print
احنا عارفين ان المصورين بيتعبوا كتير علشان يطلعوا صوره الوانها و اضاءتها مضبوطه و مينفعش تتعب علشان تطلع النتيجه دي و تلاقي نتيجه مختلفه بسبب الطباعه
علشان كده احنا هنا بنوفرلك مكان مخصص تقدر تطبع فيه صورك و ألبوماتك بجوده عاليه و سعر مناسب