صناعة السينما في مصر محتاجه ثوره فكريه وإبداعيه"

علشان كده ACT Media هيقدموا مجموعة من البرامج والورش الخاصة بمجال صناعة السينما في الشهور الجاية بالتعاون مع بيت الرصيف،

وإن شاء الله يوم التلات الجاي هيبتدوها بقعده تعريفيه بمراحل صناعة الفيلم من أول الفكره لحد تنفيذها، وهيكون موجود في القعده مجموعة من الرائدين الشباب في المجال ده :

المخرج / طارق متولي
مخرج منفذ لمسلسل أبوب الخوف، و العديد من الاعلانات التليفزيونية والأفلام السينمائية القصيرة.

المصور / شريف عبد الفتاح
مساعد مدرس منتدب بالمعهد العالي للسينما قسم التصوير والصوت ومدير تصوير لأكثر من 40 وثائقي قصير وطويل.

أ/ ريهام عثمان
سيناريست للعديد من الأفلام القصيرة منها البلياتشو ونضارة شمس وقامت بتدريس السيناريو بمعهد جوته، التحرير لاونج، بيت الرصيف، و راديو بص و طل.

المونتير/ هاني جميل عزيز
يعمل كمونتير بمدينة السينما و اشترك في عمل المونتاج للعديد من الأفلام السينمائية القصيرة والطويلة.

وهنختم القعده بحفل قصير لإستاند اب كوميدي للوجوه الشابة
Magdy & Amir & Basem،

مستنينكوا تنوارونا
التلات 7 إبريل من الساعة 6 مساءً
القعده مفتوحه لكل المهتمين بعالم السينما .
----------------------------------------------------------------
بيت الرصيف فيلا رقم 8 في شارع 152 متفرع من ميدان الحرية في المعادي قدام بنك أبو ظبي.


وصف تفصيلي علشان تعرف تيجي بيت الرصيف


لو هتركب مترو : هتخرج من محطة مترو المعادي من إتجاه المرج على شارع 7 هتمشي يمين وتدخل لحد ما هتلاقي محل الشبراوي تدخل من جنبه شمال أول ناصيه تقابلك هتلاقي بنك أبو ظبي على يمينك وبيت الرصيف قدامه.

لو جاي بعربية أو تاكسي هتاخد طريق كورنيش المعادي : هتدخل مدخل المعادي رقم 1 من عند أكاديمية السادات في أول يمين في أول شمال هتطلع على ميدان الحرية ب هتكمل علطول في نفس الشارع وهتدخل تاني شمال بعد الميدان لحد آخر الشارع هتلاقي بيت الرصيف على شمالك فيلا قدام بنك أبو ظبي.

لو هتركب ميكروباص هتنزل موقف العرب أو صقر قريش على حسب إنت جاي منين وهتركب ميكروباص بيقول مترو وتقول للسواق ينزلك ميدان الحرية هتدخل شارع 151 من عند صيدلية العزبي لحد ما هتلاقي بنك أبو ظبي على شمالك بيت الرصيف هو الفيلا اللي قدامه